Монастырский календарь престольных праздников и памятных дней
Январь
-преставление прп. Амфилохия Почаевского
-Прп. Илии Муромца
-преставление игумении Евстолии (Ерофеевой), настоятельницы обители
Икона с частицами мощей Киево-Печерских святых
19.12/1.01
Тропарь дня
Тропарь преподобному Амфилохию Почаевскому,
глас 4


Земли Волынския преславна подвижника/ и обители Почаевския достойна насельника/ людей православных изрядна целителя/ яви тя Церкви Своей Христос Бог наш,/ преподобне отче Амфилохие,/ Ему же усердно молися/ от навет вражиих свободитися// и спастися душам нашим.

Тропарь преподобному Илии Муромцу,
глас 3-й


Ликовствует днесь земля Русская, воина и чудотворца своего Илию Муромца прославляюще, яко той в Церкви торжествующей пребывая, соратует сродницем своим и Церкви воинствующей, на враги видимыя и невидимыя Руси Святой испрошая у Господа вспоможение, да невозбранно славят и чтут людие русские Христа Бога.

-Прав. Иоанна Кронштадтского
-Прп. Игнатия, архим. Печерского
20.12/2.01
Тропарь дня
Тропарь Иоанну Кронштадтскому, прав.,

Православныя веры поборниче. /Земли Российския печальниче, /пастырем правило и образе верным, /покаяния и жизни во Христе проповедниче. /Божественных таин благоговейный служителю /и дерзновенный о людех молитвенниче, /отче праведный Иоанне, /целителю и предивный чудотворче, /граду Кронштадту похвало /и церкви нашея украшение, /моли всеблагаго Бога /умирити мир и спасти души наша.


Тропарь прп. Игнатию, архим. Печерскому
Глас 4:

Чистаго ради и непорочнаго твоего жития,/ Богоносе отче Игнатие,/ приемый от Господа чудотворныя дары исцеляти немощныя,/ исцели, молим тя, и немощи наша,// моля о нас Единаго Человеколюбца.

память св. вмц. Анастасии Узорешительницы
22.12/4.01
Тропарь дня
Глас 4

Победоноснаго Воскресения/ истинноименитая наречена еси, мученице Христова,/ победы на враги поставила еси мук терпением,/ Христа ради, Жениха твоего,/ Егоже возлюбила еси./ Того моли// спасти души наша.

Рождество Христово
25.12/7.01
Тропарь дня
Глас 4

Рождество Твое Христе Боже наш, возсия мирови свет разума: в нем бо звездам служащии, звездою учахуся, Тебе кланятися Солнцу правды, и Тебе ведети с высоты Востока: Господи слава Тебе.

Св. прав Иосифа Обручника, Давида царя и ап. Иакова, брата Господня
28.12/10.01
Тропарь дня
Глас 2

Благовествуй, Иосифе,/ Давиду чудеса Богоотцу,/ Деву видел еси pождшую,/ с пастыpьми славословил еси,/ с волсви поклонился еси,/ Ангелом весть пpием;/ моли Хpиста Бога// спасти души наша.

-память 14 000 св. мучеников младенцев Вифлеемских
-Прп. Лаврентий Черниговский (Проскура)
-Прпп. Марка гробокопателя, Феофила и Иоанна Печерских
29.12/11.01
Тропарь дня
Тропарь мучеников 14 000 младенцев
глас 1

Болезньми святых, имиже о Тебе пострадаша,/ умолен буди, Господи,/ и вся наша болезни исцели,// Человеколюбче, молимся.

Тропарь преподобному Лаврентию Черниговскому, чудотворцу
глас 4


От юности Христа возлюбил еси,/ и Тому тесным путем последуя,/ сосуд избран Духа Святаго быв,/ дар чудотворения и прозрения восприим:/ сего ради в невечернем свете Пресвятыя Троицы присно радуяся,/ поминай чад твоих,// Лаврентие преподобне, отче наш.


Тропарь преподобному Марку гробокопателю, Печерскому в Ближних пещерах
глас 1


Умертвив плотския похоти многим воздержанием/ и копанием гробов святым,/ присно, аки мертв, в пещере живя,/ мертвыя повелением своим воздвизал еси,/ Марко прехвальне,/ мертви и наша мудрования плотская/ и настави нас на течение добродетелей,// моля о нас Единаго Человеколюбца.

- Обрезание Господне
- свт. Василия Великого
1.01/14.01
Тропарь дня
Тропарь Обрезанию Господню,
глас 1

На Престоле огнезрачнем /в Вышних седяй со Отцем Безначальным и Божественным Твоим Духом. благоволил сей родитися на земли, от Отроковицы Неискусомужныя, Твоея Матере, Иисусе, /сего ради и обрезан был еси, яко Человек осмодневный. /Слава всеблагому Твоему совету, /слава смотрению Твоему, /слава снизхождению Твоему, Едине Человеколюбче.

Тропарь Василию Великому, архиеп. Кесарии Каппадокийской

Во всю землю изыде вещание твое, /яко приемшую слово твое, /имже боголепно научил еси, /естество сущих уяснил еси, /человеческия обычаи украсил еси, /царское священие отче преподобие, /моли Христа Бога /
спастися душам нашим

-прп. Серафима Саровского
-Прп. Сильвестра Печерского
2.01/15.01
Тропарь дня
Тропарь прп. Серафиму Саровскому
Глас 4

От юности Христа возлюбил еси, преподобне,/ и Тому Единому поработати пламенне вожделел еси,/ в пустыннем житии твоем непрестанною молитвою и трудом подвизался еси,/ умиленным сердцем любовь Христову стяжав,/ Небесным Серафимом в песнословии споборниче,/ в любви притекающим к тебе Христу подражателю,/ темже избранник возлюблен Божия Матере явился еси,/ сего ради вопием ти:/ спасай нас молитвами твоими, радосте наша,/ теплый пред Богом заступниче,/ Серафиме блаженне.

Прп. Ахилы, диак. Печерского
Икона с частицами мощей Киево-Печерских святых
4.01/17.01
Тропарь дня
Глас 8

Постническое житие облобызав/ и многими труды от младых ногтей себе обложив,/ на степень диаконства произведен быв, всечестне,/ в коем служил еси в церкви Божия Матере непорочне,/ Ейже молися,// во еже спастися душам нашим.

преставление прп. Симеона (Желнина)
5.01/18.01
Тропарь дня
Глас 1

Любовию Христовою сердце твое уязвивый,/ евангельски Тому последовал еси:/ яко древний подвижник преподобием украсивыйся,/ славный насельник обители Богоматери у пещер Богом зданных явился еси,/ и, благодать духовную свыше приемь,/ подаеши верным исцеления,/ Симеоне богоблаженне,// не престай молитися о чтущих тя.

Богоявление. Крещение Господне
6.01/19.01
Тропарь дня
Тропарь Крещению Господню

Во Иордане крещающуся Тебе, Господи, /троическое явися поклонение, /Родителев бо глас свидетельствоваше Тебе, /возлюбленного Тя Сына именуя, /и Дух в виде голубине, /извествоваше словесе утверждение. /Явлейся Христе Боже, /и мир просвещей, слава Тебе.
Собор честного и славного Пророка, Предтечи и Крестителя Господня Иоанна
7.01/20.01
Тропарь дня
Глас 2

Память праведнаго с похвалами,/ тебе же довлеет свидетельство Господне, Предтече:/ показал бо ся еси воистину и пророков честнейший,/ яко и в струях крестити сподобился еси Проповеданнаго./ Темже за истину пострадав радуяся,/ благовестил еси и сущим во аде Бога явльшагося плотию,/ вземлющаго грех мира,// и подающаго нам велию милость.

Прп. Григория, чудотворца Печерского
Икона с частицами мощей Киево-Печерских святых
8.01/21.01
Тропарь дня
глас 3

Великих дарований приемниче/ и великих чудес силою Божиею творителю,/ пречудне отче Григорие,/ яко велие дерзновение имея ко Христу Богу,/ непрестанно о нас молися Ему,/ да грехов оставление// подаст душам нашим.

престольный праздник придела свт. Григория Нисского
10.01/23.01
Тропарь дня
Глас 4

Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.

иконы Божией Матери «Млекопитательница»
12.01/25.01
Тропарь дня
Глас 3

Без семене от Божественнаго Духа,/ волею же Отчею зачала еси Сына Божия,/ от Отца без матере прежде век суща,/ нас же ради из Тебе без отца бывша,/ плотию родила еси/ и Младенца млеком питала еси,/ темже не престай молити // избавитися от бед душам нашим.

память св. равноап. Нины, просветительницы Грузии
14.01/27.01
Тропарь дня
Глас 4

Слова Божия служительнице,/ во апостольстей пpоповеди пеpвозванному Андpею/ и пpочим апостолом подpажавшая,/ пpосветительнице Ивеpии и Духа Святаго цевнице,/ святая pавноапостольная Нино,/ моли Хpиста Бога // спастися душам нашим.

Прпп. cхимон. Кирилла и схимон. Марии, родителей прп. Сергия Радонежского
18.01/31.01
Тропарь дня
Тропарь преподобным Кириллу и Марии Радонежским,
глас 3


Блаженств Христовых причастницы,/ честнаго супружества и попечения о чадех добрый образе,/ праведнии Кирилле и Марие,/ плод благочестия, Сергия преподобнаго, нам явившии,/ с нимже усердно молите Господа/ низпослати нам дух любве и смиренномудрия,/ да в мире и единомыслии// прославим Троицу Единосущную.